Tjállegoahte – čálliidguovddáža bargu lea nannet sámi girjjálašvuođa ja sámi čálliid ja juohkit sápmelaš muitalusaid sihke Sámis ja Sámi olggobealde. Min višuvdna lea ealli sámi muitalanservvodat. Tjállegoahte váldobáiki lea Johkamohkis muhto das leat doaimmat miehtá Sámi Ruoŧa bealde. 

Mii bargat vái sihke dovddus ja easkaálgi sámi čállit, jorgaleaddjit, virggálaš čállit, muitaleaddjit ja govvasárgut ovdánit ja almmuhit iežaset bargguid sámegielaide ja iežá gielaide. Mii doaibma ja árvovuođđu lea sámi vuogi vuođul mii váldá vuhtii sihke árbevieruid ja ođđa jurdagiid. 

Min doallat árvun buriid ja gudnejahtti ovttasbargguid mat nannejit ja ovddidit sámi girjjálašvuođa ja girječállima. Sámegielat leat Tjállegoahte bargogielat.

Doaimmahatnjunnoha rolla 

Dego doaimmahatnjunušin dus lea ovddasvástádus Tjállegoahte beaivválaš doaibmágis ja dasa lassin dán bistevaš barggu ovddidit searvvi doaimmaid, organisašuvnna, ruhtadoalu ja ruhtadeami lagaš oktavuođain min ulbmiljoavkkuiguin, ovttasbargoverddiiguin, ruhtajuolludeaddjiiguin ja iežáiguin geat leat deaŧalaččat. 

Doaimmahatnjunnohis lea nai strategalaš ja operatiivvalaš láidestanovddasvástádus searvvi jođiheamis, ruohtadoalus, bargodilis ja iežá bargiid várás. Dego doaimmahatnjunušin dus lea ovdasvástádus virgádit mielbargiid. Doaimmahat jođihuvvo mearriduvvon doaimmaplána ja giellaplána jelgii ja iežá stivrennjuolggadusaiguin dego searvvi njuolggadusat, válddahusčállagat ja soahpamušat ja min árvovuođđu maid Tjállegoahte stivrra mearrida. Doaimmahatnjunnoha rollas dus lea vejolašvuohta nannet ja ovddidit sámi girječállima ja girjjálašvuođa boahtteáigái.

Du vásáhusat 

Tjálligoahte oaivvilda ahte don buoragit ipmirdat sámi árbevieru, girjjálašvuođa, sámi girječállima, muitalanárbevearu ja juoigama. Mii nai doaivut don buoragit dovddat sámi kultuvrra ja servodatdili Sámis – sihke Ruoŧas, Norggas ja Suomas. Dus lea maiddái máhttu iežá eamiálbmogiid girjjálašvuođas ja girječállimis. Mii dáhttut dus lea vásáhusat fátmmasteaddji jođiheamis, ruhtadoalus ja budjeahttaáššiin. 

Du attáldagat 

Dego doaimmahatnjunušin don leat doaimmalaš ja dus leat doaivvaáigumušat. Dus lea álki gulahallat min ulbmiljoavkkuiguin, ovttasbargoverddiiguin, ruhtajuolludeaddjiiguin ja iežáiguin geat leat deaŧalaččat. Don dagat buriid oktavuođaid min seagis ja min birrasis. Háliidit mielas ahte dus lea fátmmasteaddji bargovuohki ja ahte dus lea álki ságastit ja čállit sihke sámegiela, ruoŧagiela ja eŋgelasgiela. 

Oahppa 

Dov lea sjïehteles ööhpehtimmie universiteeteste, vg. datne leah kultuvreåejvieövtiedimmiem, kultuvremaahtoem jallh jeatjah sjïehteles programmem lohkeme. Åvtetje barkoedååjrehtsh seammaplïeres barkoste lea aaj buerie. 

Iežá 

B-vuodjingoarta lea gáibádus doaimmahatnjunnoha virggis. 

Váldobáiki lea Johkamohkis. 

Bálká soahpamuša mielde. 

Mii boahtit áiggás goasse álggat virgái. 

Maŋemus ohcanbeaivi lea njukčamánu 27 beaivi 2026. 

Ohcamuša sádde čujuhussii; 

Tjallegoahte, 
Södra Torggatan 4,
962 31 JOKKMOKK.

Čále kuveartta nala “Ohcamuš”.