Start 23 augusti

Lea go dus juoga maid háliidat čállit, muhto dárbbahivččet veahki beassat johtui? Vai leat go jo čállime, muhto háliidivččet rávvagiid earáin? Borgemánnu 23. beaivvi 2025 fállá Tjállegoahte vihttadiimmosaš digitála čállinbáji girječálliin Anne Wuolabiin.

Doppe oažžu sihke inspirašuvnna čállinhárjehusaid bokte, rávvagiid gokte sáhtát ovddidit du teavsttaid ja beasat deaivvadit ja ságastallat earáiguin geat čállet ja vásihit gokte sii oidnet du teavsttaid. Báji njálmmalaš giella lea davvisámegiella, muhto oasseváldit sáhttet čállit sihke davvisáme-, julevsáme-, ruoha- ja dárogielat teavsttaid. Bádjái lea nuvttá searvat.