bargui min lusa!
Tjállegoahte birra
Tjállegoahte – Författarcentrum Sápmi lea organisašuvdna mii bargá sámi girjjálašvuođa
nannemiin. Muitaleapmi ja min luođit leat maiddái oassin girjjálašvuođas. Mii háliidit ahte
eambbosat galget lohkat sámegielat girjjálašvuođa ja sámi girjjálašvuođa iežá gielaide. Mii sávvat
ahte min barggu dihte šaddet lasi girječállit, girjjit, muitalusat ja lohkkit boahttevuođas. Mii háliidit
nai loktet mánáid ja nuoraid lohkama ja nannet girjjálašvuođa sajádaga servodat- ja kultureallimis
sihke Sámis ja olgomáilmmis.
Mihtu lea ahte buot sámiin galget leat buorit lohkannávccat ja alladássásaš girjjálašvuohta
olámuttos iežaset gillii.
Tjállegoahte: 
doarju čálliid barggu girjjálašvuođa almmuheamis.
váikkuha álbmotoaivilii ja juohká dieđuid sámi girjjálašvuođas.
gaskkusta čálliid, muitaleddjiid ja juigiid girjerájuide, skuvllaide, festiválaide ja bláđiide.
lágida gurssiid, bargobájiid, semináraid ja eará čállin-, muitalan ja girjjálašvuođadáhpáhusaid.
Tjállegoahte bargu jođihuvvo stivrras mas leat lahtut dáin servviin: Bágo, Författarförbundet ja
Norrländska litteratursällskapet.
Barggut:
– Lágidit dáhpáhusaid:
Dán jagi mis leat máŋga gurssa mat galget hálddašuvvot ja lágiduvvot. Don leat čeahppi
organiseret, leat hárjánan hukset oktavuođaid ja leat hárjánan ságastit unnit publihkka ovddas.
Du ovddasvástádus lea gulahallat čielgasit buot oasseváldiiguin ja doallat gurssaid bušeahta.
– Gulahallan
Stuorra oassi min barggus lea muitalit maid mii bargat ja mii muđuige dáhpáhuvvá girjjálašvuođa
máilmmis. Min gulahallankanálat leat sosiála mediain, neahttasiidu ja ođasreive. Don leat
hárjánan čállit dahje govvet. Eanas teavsttat maid buvttadit leat oanit gos sáttasátni boahtá oidnui
čielgasit.
– Ovddastit Tjállegoahte gurssiin, girjjálašvuođa- ja kulturdoaluin miehtá Sámi ja olgomáilmmis.
Min ulbmil lea álot searvat iežamet gurssiide, ja čoahkkimiidda ja doaluide mat gusket midjiide.
Dat mearkkaša diŋgot mátkkiid ja biilavuodjin. Barggus leat olu mátkkit miehtá Sámi ja
olgomáilmmi.
Mis lea unna organisašuvnnaš ja danin sáhtát šaddat bargat veahá eará go váldobargguid, mii
gáibida fleksibilitehta ja ovttasbargonávccaid. Visot barggut leat seammá dehálaččat nu go
bušeahtta ráhkadit ja snoahpamuša ordnestit.
Jagi 2024 várás sáhttá boahtit lassebarggut nu go dahkat bušeahtaid ja ohcamušaid čállit.
Iešvuođat:
Don dovddat Sámi
Don álggahat bargguid ja barggat iehčanasat
Dus lea b-vuodjingoarta